Ezkerraldea, euskaraz blai!

Euskaraz bizi nahi duzula, bada zeren zain zaude!! Hartu parte ekintzetan!!


*
Aukera paregabea izango dugu Bai Esan Santurtziko euskara elkarteak antolaturiko Bertso Zakuto emanaldiari esker. Urriaren 30ean, ostirala, 22:00etatik aurrera afari desberdin batez gozatuko dugu: kantuak, bertsoak.. 18 euro balioko du. Informazioa blogean duzue. Izena eman urriaren 28a baino lehen AEKn, Udal Euskaltegian edo Kalea tabernan.

*
Hitzaldi interesgarri batera joan nahi baduzu, Felix Mugurtza etnografoak Neguko ohitura zaharrak hitzaldia eskainiko digu Kresalan 20:00etan urriaren 30ean Euskara Sailaren eskutik. Xehetasunak blogean.

* Hurrengo larunbatean, urriak 31, Eriz Magoak ikuskizun bikaina egingo du Gernika Parkean 12:00etan Euskara Sailak antolatua.

Tfna: 94 493 80 71 / 607 515 720
Loturak: http://santurtzieuskalduna.blogspot.com eta ezkerraldea@aek.org

Bertso Bira Beurko-Bagatzako jaietan

Udazkenarekin batera hainbat ekitaldi etorri dira, besteak beste, Beurko-Bagatzako jaien barruan antolaturiko bertso bira.
Urriaren 17an, larunbatarekin, eguerdiko 13.00etatik aurrera Argalario tabernan Onintze Enbeita eta Fredi Paya bertsolariak kantutan arituko dira auzoan zehar. Bertan HASI bertso eskolako kideak ere bertsotan ikusi ahal izango ditugu.
Anima zaitezte eta zatozte pote batzuk hartzera!

ADAXKAK MAIATZA: Txikitxoentzako poltsa bete ekintza!

EKAINEAN DONE JAKUE BIDEA BIZIKLETAZ!

Adi lagunok!!

Ekainaren 13 eta 14ean Egizu Getxo Euskaldun euskara elkarteak asteburu pasa antolatu du Araba aldera; bertan bizikleta ibilaldia egingo dute, Done Jakue bideari dagokion tartea hain zuzen ere.
Asteburuak 40 euro balio du ( berbalagunentzako) eta 50 berbalagun ez direnentzako. Manteinua eta furgoneta barne daude baina informazio osagarria Egizuko lagunen blogean jaso dezakezue. Besterik ez, anima zaitezte asteburu ederraz disfrutatzen. Izerdi pittin bat botako dugu, ez gehiegi ordea!

MAIATZAREN 20AN NOMADAK TX BARAKALDON

Hurrengo maiatzaren 20an, arratsaldeko 19.30ean San Bizenteko kultur etxean Nomadak TX bikote txalapartaria gurekin izango da; hitzaldia eman eta dokumentala jarriko dute.

Gure aldetik, esan beharra daukagu aukera paregabea duzuela kalitatezko emanaldi bat euskaraz ikusteko. Anima zaitezte beraz, eta bertan egongo gara.

BERBA LAGUNEN MENDI IRTEERA ARATZ MENDIRA

Hurrengo maiatzaren 23an Euskal Herriko berbalagunek mendi irteeratxo bat antolatu dute Aratz mendira. Hitzordua goizeko 10.00etan finkatu dute. Joateko asmorik izanez gero idatz egiguzue berbaraka@hotmail.com helbidera.

Anima zaitezte eta mingaina askatu!

Martxoan antzezlana Barakaldon

Kaixo lagunok!!

Bueno, udaberriaren bueltan gara...poliki poliki, egunak luzeagoak dira eta gauza berriak egiteko gogoa piztuz doa...

Bada, KORRIKA datorkigun hilabeteari ongi etorria emateko asmoz, martxoaren 3an "Ogiyik karri etzun semia" antzezlana programatu dugu.

Data: Martxoa 3, asteartea.
Ordua: Iluntzeko 20:00etan.
Lekua: San Bizenteko Kultur Etxea

Besterik ez, lagunei esan eta hurbildu zaitezte!!!

Izan ontsa!

SASIBURU, Barakaldoko euskaldunon elkartea

ADAXKAK: urtarrila eta otsaileko programazioa

Urtarrila bukatzear badago ere, ADAXKAK taldeak poltsiko bete ekintza dakartza azken egunotarako.
Horietako batzuk San Bizenteko jaien barruan kokaturik daude, hala nola:
Urtarrilaren 24 eta 25ean San Bizenten egongo dira umeentzako jarduerak eta jolasak egiten.
Urtarrilaren 31n Natura Errespetatu jarduera egingo dute Ibarrakaldun, Bagatzan. Gogoratu aldaketarik ezean jarduerok larunbatero burutzen direla, arratsaldeko 6etatik 8etara.

III Pintxo Dastaketa

Hirugarren urtez Sasiburuk Berba lagun edo berbarakako lagunei zuzenduriko pintxo dastaketa programatu du hurrengo urtarrilaren 20rako, asteartea. Euskaraz hitz egiteko gogoa baduzu zatoz San Bizenteko plazara arratsaldeko 19:30ean. Bertan pintxo gozoak dastatu ahal izango dituzu Barakaldoko beste euskaldunekin batera.

Bertso bazkaria San Bizenteko jaietan

Urtarrila jarduera interesgarriez josita datorkigu!
Horietako bat San Bizenteko jaietan ospatuko den bertso bazkaria dugu. Hurrengo urtarrilaren 17an Irazu eta Maia bertsolariak izango ditugu Mukusulubako eskolan, eguerdiko 14:30etatik aurrera.
Sarrerak Barakaldoko AEKn eros ditzakezue 20 euroan.

I Futbito Txapelketa

Joan den zapatuan Euskara Elkarteen I Futbito Txapelketa ospatu zen Barakaldon, Beurko institutuan hain zuzen ere. Bertan Lizardi mintza taldeak, Berbaizu euskara elkarteak eta Sasiburu euskara elkarteak parte hartu zuten.
Garaipena Berbaizu taldeko kideek eraman zuten baina garrantzitsuena bertaraturiko guztiek igarotako arratsalde atsegina izan da, dudarik gabe.
Hurrengoan, baietz talde gehiago!

ADAXKAK: Azaroako egutegia

ADAXKAK aisi taldeak azaroako egitaraua jarri du euskaltzale guztion esku, gaztetxoenei ere, aisialdia euskaraz bizitzeko aukera emateko.


AZAROAK 15: Broma Jolasak. Udalekuetan bezala, barrez lehertzeko!

AZAROAK 22: Musikoterapia. Musikarekin gozatu, dantzatu eta dibertitzeko!

AZAROAK 29: Zentzumenekin jolasean.

Ibarrakaldu dantza taldearen egoitzan, larunbatero, arratsaldeko 18:00etatik 20:00ak arte

HITZORDUAK

Azkenean berba laguneko hitzorduak hauetxek dira:

Asteazkenean, 19:30, San Bizenteko kultur etxean.

Ostegunean, 19:30 Dastaleku tabernan, San Bizenteko elizaren atzean.

Informazio gehiago jaso nahi baduzue edo izena eman nahi baduzue idatzi berbaraka@hotmail.com helbidera edo mezua utzi 638 47 66 05 sakelakoan

Eskerrik asko

Ander Lipus Barakaldon

Ander Lipusek Hala Mintzatu zen Zappatrusta antzezlana eskaini zuen joan den azaroaren 10ean, astelehena.
Hasiera batean Barakaldoko lagunak zertxobait izutu bagintuen ere, arratsalde ederra pasa genuen berarekin batera.
Laster beste ikuskizun berri bat!

Berba Lagun eta talde berriak martxan

Azaroaren 10ean SASIBURUk Berbaraka egitasmoaren aurkezpena egin zuen San Bizenteko kultur etxean, Barakaldon. Taldeen hurrengo hitzordua laster jakinaraziko dizuegu. Momentuz, adi egon gure berriei!

BIZIKLETA IRTEERA: SESTAO- GETXO

Hurrengo Azaroaren 1ean Barakaldo eta Sestaoko berbalagunak bizikleta irteera berria antolatu dute : Sestao- Getxo.

Hitzordua:
10:45 etan kasko plazan, Sestaon, metro irteeraren ondoan.
Ibilbidea: Sestao-Getxo bizikletaz. Jendea gogotsu badabil Sopelaraino hurbiltzeko aukera ere egon badago.
Nahi duenak otartekoa eraman dezala.

Xuabe-xuabe joango gara beraz, ez izan beldurrik!!!

Gogoratu haizea edo euria egin ezean bilduko garela!

Hurrengo astera arte!

ONGI ETORRI BERBA LAGUNera!!

Kaixo lagunok!!

Sasiburuko berbaraka taldea abian dago berriro ere...horretarako, hurrengo azaroaren 10ean egitasmoaren aurkezpena egingo dugu San Bizenteko kultur etxean arratsaldeko 6etan.

Matrikulazio kanpaina irekita dago interesa duten guztiek izena emateko. Datuak berbaraka@hotmail.com helbidera bidal ditzakezue edo AEK, Udal euskaltegia eta Hizkuntza Eskolan matrikulazio fitxak ere jaso ditzakezue.
Anima zaitezte!

Patinaje ikastaroa eta beste

Deustuko Berbaizu euskara elkarteak nobedade ugari dakartza urrirako. Alde batetik blog ikastaroa eskainiko du eta beste alde batetik, aste honetan bertan martxan jarriko den patinaje ikastaroa ere.
Informazio osagarria www.berbaizu.org web gunean eskuragarri duzue.

ARTE ESZENIKOEN EGITARAUA FAMILIAKO KIDE GUZTIENTZAT

Aspaldiko partez Barakaldoko udalak haurrei zuzenduriko euskara hutsezko programazio berria dakarkigu. Hala, urritik abendura bitartean haurrei zuzenduriko euskarazko eskaintza berria aurkeztu du. Eskaintza 5 urtetik 11 urte bitarteko umeei eta berauen senideei zuzendurik dago. HItzordua larunbatero izango da, arratsaldeko seietatik aurrera Barakaldoko kultur etxeetan.
Egitaraua mezuari atxikirik doakizue.

Irteera: LEA ARTIBAI ondoko bidea.

Hurrengo irailaren 27an EGIZU Getxoko euskara elkarteak irteera berria antolatu dut Lea Artibaiko ondoko bidera.

Goizeko 9:00etan geratuko gara Telletxeko metro sarreran, metroa eta bizkaibusa hartuta joango gara Munitibarrera, handik 22,3 km-ko ibilbidea egingo dugu Lekeitiora. Bideko tabernaren batean bazkalduko dugu. Gogoz bazabiltza deitu (619 935 541) edo idatzi (egizugetxo@gmail.com), betiko moduan.

Berbalagunon MENDI taldea zabalik dago, edozeinek har dezake parte, eta lagunen bat engainatu ahal duzu lehenengo egunean bakarrik ez etortzeko

Uribarri eta Matikoko jaiak

7 KALEAK BERTSOTAN

Datorren irailaren 13rako 7 KALEAK BERTSOTAN antolatu dau Bizkaiko Bertsozale Elkarteak, kalerik kale Bizkaiko Bertso Zaharrak abesteko.
Kalejira berezi hau 12:00etan hasiko da Santiago plazan.
Erdu zeu be!!!!!!!!!